Një tjetër aksident ka ndodhur mesditën e së martës në zonën e Lungomares në Vlorë, duke e çuar në tre numrin e aksidenteve brenda vetëm 24 orëve në këtë zonë.
Nga informacionet paraprake, bëhet e ditur se në aksident janë përfshirë dy automjete, por për fat të mirë nuk raportohet për persona të lënduar vetëm dëme materiale.
Policia ka mbërritur menjëherë në vendngjarje, ka marrë nën kontroll qarkullimin dhe ka nisur hetimet për të zbardhur shkaqet e aksidentit.
