Policia ka sekuestruar makinën e përdorur në ekzekutimin e Bujar Likës dhe Paulin Gjergjit në Laç. Automjeti është gjetur i fshehur nga autorët në periferi të Tiranës dhe ishte një mjet Golf 5 i Zi.
Kjo makinë sipas policisë është përdorur nga Eduart Lamaj, 30 vjeç, i cili u arrestua sot për ekzekutimin e dy për Bujar Likës dhe Paulin Gjergjit.
Hetime dhe verifikime janë duke u kryer dhe për gjetjen e 3 autorëve të tjerë që kanë marrë pjesë në atentat. Gjithashtu po punohet për identifikimin e autorësisë së makinës, si dhe gjetjen e armëve të përdorura në atentat.
