Presidenti i Republikës së Kroacisë, Zoran Milanoviç, po zhvillon një vizitë zyrtare dy ditore në vendin tonë me ftesë të presidentit, Bajram Begaj.
Milanoviç shoqërohet nga Zonja e Parë e Kroacisë, Sanja Musiç Milanoviç dhe një delegacion zyrtar. Presidenti kroat do të pritet me ceremoni shtetërore në presidencë në orën 10:30 nga homologu Begaj dhe pas takimit, dy krerët e shteteve do të mbajnë një konferencë të përbashkët për shtyp.
Ndërkohë ditën e nesërme Milanoviç së bashku me Presidentin Begaj, do të vizitojnë qytetin e Beratit.
