Një 35-vjeçar shqiptar, u gjet i plagosur me thikë mbrëmjen e kaluar në Suzzara të Italisë.
Ka qenë një banor i zonës, i cili ka vënë re 35-vjeçarin të plagosur në rrugë dhe më pas ka njoftuar policinë.
Sipas raportimeve debati ka ndodhur për motive të dobëta.
Burri i plagosur në shpatull, dyshohet se ishte në gjendje të dehur kur ka ndodhur ngjarja, ndërsa fatmirësisht ndodhet jashtë rrezikut për jetën.
Ndërkohë policia po heton për identifikimin e autorit të ngjarjes.
