Aktualitet

PD- Veliajt: Nuk na e mbyll dot gojën, s’kemi frikë nga gjyqet

               Publikuar në : 17:28 - 23/01/21 liberale

Partia Demokratike ju përgjigj menjëherë kryebashkiakut të Tiranës, Erion Veliaj pas paralajmërimit të këtij të fundit se do të çojë në gjykatë për shpifje ish-deputeten Grida Duma.

Përmes një reagimi për mediat, selia blu tha se nuk frikësohet nga gjyqet sepse kërkon të mbrojë interesin e qytetarëve. Sipas PD, kryeministri Edi Rama dhe Veliaj janë të frikësuar.

“Është e qartë: Rama dhe buratini i tij kryesor janë të frikësuar. Ata po përpiqen të mbyllin gojën e kujtdo që thotë të vërtetën. Qëllimi i vetëm i tyre është të vazhdojnë të qeverisin në kurriz të popullit shqiptar me dështimet e tyre, pa asnjë ndërhyrje. Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve. As Rama, as buratini i tij, askush nuk do të na e mbyllë gojën”, thuhet në reagim.

Më herët, Erion Veliaj reagoi pas akuzave të PD se ai ishte i lidhur me mafien italiane “Ndragheta”, nëpërmjet dhënies së lejeve të ndërtimit.

Tags: , , ,


KOMENTO (0)

Shkruaj nje koment

Your email address will not be published. Required fields are marked *

* *

Back