Edhe pse paralajmëroi se do të ishte i pranishëm në selinë e PD në orën 20:00, për të shpallur rezultatin e Kuvendit Kombëtar, ish-kryeministri Sali Berisha, duket se ka shtyrë këtë vendim.
Nëpërmjet një njoftimi, zyra e shtypit për Rithemelimin e PD, deklaroi se rezultati do të shtyhet me së paku 30-45 minuta.
Në të njëjtën kohë në seli, është edhe kryedemokrati Lulzim Basha i cili është duke zhvilluar një takim me anëtarët e kryesisë. Në një deklaratë për mediat, kryedemokrati tha se nuk e njeh referendumin e kërkuar nga Berisha, duke shtuar se i vetmi aktivitet në PD këtë të shtunë ka qenë Kuvendi Kombëtar.
