Trajneri i Fenerbahces, José Mourinho dhe sulmuesi i Gallatasarait, Mauro Icardi janë përplasur me njëri-tjetrin në rrjetet sociale duke akuzuar skuadrën e njëri-tjetrit se luan “hendboll”.
“Special One” me një postim të postuar në profilin e tij në Instagram, ka uruar kombëtaren portugeze të hendbollit për arritjen në gjysmëfinale të Botërorit, megjithatë, duke bashkangjitur edhe një foto që nuk ka lidhje me hendbollin. Ai vuri në pah një prekje me dorë në zonën e penalltisë së Devinson Sançez të Gallatasarait që nuk u dha nga arbitri.
Fitorja e këtyre të fundit bën që diferenca e pikëve mes skuadrave të jetë 8 pikë.
Por portugezit i është përgjigjur Icardi i cili postoi një foto në Instagramin e tij të një ndeshjeje të Fenerbahçes me një pozicion të ngjashëm me topin dhe me fjalët “Kupa e Botës në Hendboll”, shoqëruar me emoji për të qeshur.
Argjentinasi ndau gjithashtu një meme, që qarkulloi fillimisht në mediat sociale në shtator pas humbjes së Fenerbahçes ndaj Gallatasarait, duke treguar Mourinho-n duke qarë me mbishkrimin “The Crying One”, një ndryshim në pseudonimin ikonë të Murinjos, “Special One”.
