Sulmuesi francez Randal Kolo Muani ka shprehur hapur dëshirën për të vazhduar karrierën te Juventusi, edhe pas përfundimit të huazimit që i skadon në fund të Kupës së Botës për Klube.
Edhe pse kartoni i tij është në pronësi të Paris Saint-Germain, Muani nuk e fsheh faktin se ndihet shumë mirë në klubin italian.
“Nuk di asgjë për interesimin nga Chelsea. Jam i përqendruar vetëm te Kupa e Botës për Klube. Do të shohim çfarë ndodh në treg pas përfundimit të turneut,” tha sulmuesi.
“Nëse do të varej vetëm nga unë, do të qëndroja këtu. Jam vërtet i lumtur te Juventusi,” përfundoi ai.
