Stadiumi "Arena Kombëtare" në Tiranë është blinduar nga forcat e sigurisë, pas disa incidenteve të shënuara gjatë ndeshjes së sotme ndërmjet Shqipërisë dhe Serbisë.
Situata është tensionuar në pjesën e parë të takimit, pasi tifozët shqiptarë kanë hedhur gota plastike në drejtim të lojtarëve serbë, duke detyruar autoritetet të shtojnë menjëherë masat e sigurisë.
Pas hedhjeve të përsëritura nga tribunat, në anësinë e fushës kanë zbarkuar Forcat e Ndërhyrjes së Shpejtë, të cilat kanë formuar një kordon rrethues për të parandaluar përshkallëzimin e mëtejshëm të situatës.
