Princ Leka ka denoncuar në komisariat dhunën nga ish-bashkëshortja, Elia Zaharia, si dhe nga babai i saj, Gjergj Zaharia.
Burime për mediet bëjnë me dije se Leka ka shkuar në oborrin Mbretëror për të takuar të bijën, e cila jeton atje me nënën e saj. Por sipas tij aty është përplasur me ofendimet e ish-vjehrrit, të cilat më pas kanë degraduar në dhunë fizike.
Mësohet se kallzimi në polici është bërë nga të dyja palët.
Princ Leka është paraqitur edhe ne ambientet e spitalit ‘Nënë Tereza’ për të marr ndihmën mjekësore shoqëruar dhe me kartën përkatëse. Pritet seanca gjyqësore për të marr një vendim në lidhje me këte çështje.
Theksojmë se ky denoncim vjen pak kohë pas divircit të bujshëm të çiftit. Ata i dhanë fund martesës së tyre 7 vjeçare.
Në vitin 2016 Elia dhe Pirnc Leka u martuan në një ceremoni që mori vëmendjen e gjithë vendit dhe jo vetëm. 4 vite më vonë erdhi në jetë bekimi i parë dhe duket se i vetëm për çiftin, vajza e tyre Geraldina.
Mediat rozë thonë se problemet mes çiftit, kanë nisur që para verës të këtij viti. Si Elia, ashtu edhe Princ Leka, muajt e fundit janë takuar vetëm për hir të Geraldinës, duke bërë rolin e prindit, dhe jo më të dy bashkëshortëve.
Pak pas lajmit të ndarjes Princ Leka u fotografua me partneren e re, fotografen Blerta Celibashi, me të cilën filloi të shfaqet publikisht. Së fundmi çifti u "arratisën" me pushime në Brezovicë, duke shijuar fundjavën me dëborë.
