Atmosfera e nxehtë verore në një nga beach bar-et më të njohura të Ksamilit pritej të kulmonte mbrëmë me performancën e këngëtarit Luiz Ejlli, por fansat u përballën me një surprizë të pakëndshme – mungesën e tij të papritur.
Megjithëse ishte parë në ambientet e lokalit gjatë ditëve të fundit, Luizi është detyruar të largohet menjëherë për arsye personale.
Lajmi është konfirmuar nga organizatorët përmes një njoftimi zyrtar:
“Për arsye personale, artisti është larguar sot nga ambienti. Nëse keni kryer pagesë për këtë event, na dërgoni emrin e rezervimit dhe do të kujdesemi për rimbursimin,” thuhet në deklaratë.
