Nikuca Ballamaçi rreth vitit 1916, foto e Manakit.
Në fillim të viteve 1900, Nikuca Ballamaçi themeloi një nga farmacitë e para në qytetin e Korçës. Pasi përfundoi arsimin e lartë në degën e Farmacisë në Fakultetin e Mjekësisë në Universitetin e Stambollit, ai u kthye në qytetin e tij të lindjes, ku i shërbeu komunitetit për dekada me radhë, deri në vdekjen e tij në vitin 1940.
Përtej punës së tij si farmacist i përkushtuar, Ballamaçi luajti një rol të rëndësishëm në jetën politike dhe shoqërore të kohës. Ai ishte një pjesëmarrës aktiv në Vetëqeverisjen Shqiptare të vitit 1916, shërbeu si konsull nderi i Rumanisë dhe dha mësim në Liceun e Korçës. Kontributet e tij lanë një ndikim të qëndrueshëm në sfera të shumta të jetës publike.
Përgatiti : Hemelita Boriҫi
