Aktualitet

"Ekipi 'Shqiponja' është kthyer në strukturë gjobëvënësish, u marrin para personave me armë pa leje"

Shkruar nga Liberale
"Ekipi 'Shqiponja' është kthyer në strukturë

Ish-drejtuesi i Policisë, Arben Hajdarmataj, është shprehur se ekipi i “Shqiponjave” në Policinë e Shtetit është kthyer në një strukturë gjobëvënësish.

Hajdarmataj ka theksuar edhe se “Shqiponjat” kanë harruar misionin e tyre që është t’u shërbejnë qytetarëve.

Më tej ka shtuar se ata kapin persona që janë në shkelje dhe ju marrin para për të mos i ndëshkuar.

“Shqiponjat janë kthyer në një strukturë jo në shërbim qytetarëve. Se po reagon shumë ashpër. Harron që është në shërbim të qytetarit. Kemi rastin Rasha, kemi rastet e protestave që kapin të gjithë njerëzit dhe i dhunojnë.

Është kthyer në një strukturë, dhe po jep imazh të keq të policisë. Absolutisht po. E veçoj dhe ju bëj thirrje për rishikim të kësaj strukture dhe mënyrën që funksionon.

Kjo strukturë është kthyer edhe në gjobëvënës ndaj njerëzve. Mënyra e reagimit, më lë hije shumë të keqe. Në orët e vona ku mund të konsumohen lëndë, këta janë bërë raste që i gjuajnë këto raste u marrin para në këmbim për të mos e shoqëruar.

Apo aq më tepër për të mos e arrestuar apo në rastet ku janë persona me armë pa leje. Ata i marrin para”, tha Hajdarmataj në Abcnews.

Liberale Newsroom

Poll
SHQIPENGLISH