Zëvendëspresidenti i SHBA-së, JD Vance, ka thënë se lufta në Ukrainë "nuk do të përfundojë së shpejti", në një intervistë për Fox News.

Vance tha se pyetja me të cilën përballet administrata amerikane tani është se si mund t’i ndihmojë Rusinë dhe Ukrainën “të gjejnë terren të mesëm” për t’i dhënë fund konfliktit që ka vazhduar për më shumë se tre vjet.

 Shtoi Vance, "do të varet nga Rusia dhe Ukraina të arrijnë një marrëveshje dhe të ndalojnë këtë konflikt brutal, shumë të egër".

Komentet e tij erdhën menjëherë pasi Uashingtoni nënshkroi një marrëveshje me Kievin për të ndarë fitimet e mineraleve të rralla të Ukrainës në këmbim të ndihmës së ardhshme të sigurisë nga SHBA-ja.

Vance i bëri komentet në një intervistë të gjerë, në të cilën ai mbrojti qasjen e Trump ndaj luftës në Ukrainë.

"Po, sigurisht, ukrainasit janë të zemëruar që u pushtuan", tha ai. "Por a do të vazhdojmë të humbasim mijëra e mijëra ushtarë për disa milje territor në këtë apo atë mënyrë?"

Trump sugjeroi këtë javë se Ukraina mund të jetë e gatshme të lëshojë Krimenë - të cilën Rusia e pushtoi në vitin 2014 - në mënyrë që të arrijë një marrëveshje armëpushimi.

Por Presidenti i Ukrainës, Volodymyr Zelensky, më parë kishte lënë të kuptohej se nuk do të ishte në gjendje të pranonte kontrollin rus të gadishullit, duke cituar kushtetutën e Ukrainës .