Papa Leoni i XIV është takuar në Vatikan me zv.Presidentin amerikan JD Vance.
Konfimimi erdhi nga Selia e Shenjtë, e cila në një deklaratë sqaroi se të dyja palët janë të kënaqura nga marrëdhëniet midis SHBA-së dhe Vatikanit.
“Pati një shkëmbim pikëpamjesh mbi çështjet aktuale ndërkombëtare me një thirrje të përbashkët për respektimin e ligjit humanitar dhe ndërkombëtar në zonat e konfliktit, si dhe mbështetje për zgjidhje të negociuara midis palëve të përfshira”, thuhet ndër të tjera në deklaratë.
U diskutua gjithashtu liria fetare dhe bashkëpunimi midis kishës dhe shtetit, ku mori pjesë edhe Sekretari i Shtetit, Marco Rubio. Takimi u zhvillua me dyer të mbyllura pa praninë e gazetarëve dhe zgjati 45 minuta.
Kur ishte kardinal Papa Leoni i XIV kritikoi politikat e administratës së Donald Trump për emigrantët.
Edhe Papa Francesku që ndërroi jetë më 21 Prill, ishte një mbrojtës i të varfërve dhe i emigrantëve, i cili shpesh e kritikonte Shtëpinë e Bardhë pikërisht për këto çështje.
Ai e quajti planin e Trump për të deportuar miliona emigrantë një “turp”.
