Globi

Ishulli i KRETËS "skuqet" nga zjarret/ Shkrumbohen disa shtëpi, mijëra të evakuuar! Flakët iu afrohen hoteleve me pushues

Shkruar nga Liberale
Ishulli i KRETËS "skuqet" nga zjarret/ Shkrumbohen disa

Ishulli grek i Kretës po përballet me zjarre masive. Mediet greke raportojnë se zjarri në Ierapetra po përhapet në mënyrë të pakontrollueshme në tre fronte.

Pak pas mesnatës mbërritën përforcime nga Athina për të ndihmuar në shuarjen e flakëve.

Por megjithatë zjarrfikësit e kanë të vështirë të vënë zjarrin nën kontroll për shkak të erërave të forta që do të vazhdojnë të fryjnë dhe për shkak të terrenit të vështirë të zonës.

Dhe përpos forcave zjarrfikëse në zonë, autoritetet lokale dhe vullnetarët po ndihmojnë në operacionin e madh për shuarjen e flakëve.

Të paktën 5000 persona janë evakuuar, ndërsa tymi nga zjarri ka mbuluar edhe detin pranë Makrys Gialos. Shumë njerëz që ishin në plazh u larguan nga zona me varka dhe mjete lundruese.

Në zonën e Agia Fotia dhe Ferma, flakët u përhapën dhe dogjën shtëpi dhe serra, ndërsa ende nuk është bërë një vlerësim gjithëpërfshirës i dëmeve.

Pak pas mesnate, autoritetet në zonën Ferma të Ierapetrës urdhëruan një evakuim masiv të hoteleve, dhomave me qira dhe rezidencave, pasi flakët po i afroheshin në mënyrë të rrezikshme ambienteve.

Shërbimet e urgjencës janë në gatishmëri të lartë

Shërbimet e urgjencës janë në gatishmëri të lartë në prefekturën e Lasithit dhe në bashkëpunim të plotë me autoritetet kompetente. Janë në veprim 8 ambulanca, të cilat deri më tani kanë transportuar 3 qytetarë me probleme të frymëmarrjes, 2 qytetarë me lëndime të lehta dhe 1 qytetar me probleme lëvizshmërie në Spitalin e Përgjithshëm të Ierapetrës.

Sipas Zëvendës Shefit Rajonal të Mbrojtjes Civile të Rajonit të Kretës, Giorgos Tsapakos, puna e shuarjes së zjarrit është jashtëzakonisht e vështirë për shkak të intensitetit të erërave dhe ndryshimit të drejtimit të tyre.

 

Liberale Newsroom

A është opozita më e besueshme sesa qeveria në betejën më të fundit për prishjen e ndërtimeve pa leje dhe lirimin e hapësirave publike?

  • Po!
  • Jo!
Powered by the Tomorrow.io Weather API
SHQIPENGLISH