Globi

Pensionisti 'shkakton' tërmet në publik: Përfitoj 9 mijë euro në muaj por nuk më mjaftojnë. Kush është dhe pse ngjalli polemika?

Shkruar nga Liberale

Pensionisti 'shkakton' tërmet në publik: Përfitoj 9

Ish-gazetari, Jean-Marc Sylvestre, ka kërkuar menjëherë falje pasi ka parë komentet në rrjetet sociale

Jean Marc Sylvestre, një ish-gazetar, në një intervistë të dhënë të enjten më 7 mars për një televizion francez, bëri deklarata që ngjallën polemika. Burri, pasi tha se me një pension prej 9000 euro në muaj nuk mund të plotësojë nevojat e tij, por vendosi të tërheqë deklaratën të hënën më 11 mars në programin Touche pas à mon poste.

 Jordan Jean Louis Guisnel i njohur si Jordan De Luxe, kur u pyet se sa fiton Silvestre në muaj, u trondit nga përgjigja e tij që ishte: "Sa fitoj unë nga pensioni? 9000 euro në muaj. Nuk është shumë, apo jo? Kemi dëshira, kemi nevoja”.    

Kjo deklaratë ngjalli zemërimin e publikut, por edhe politikës, veçanërisht nga deputeti Hadrien Cloudet, i LFI ( La France insoumise) një lëvizje politike franceze e krahut të majtë, i cili mbron me zell reformën e pensioneve shtetërore. Përkthimi: ai kërkon që punëtorët të kontribuojnë në pensionin e tij prej 9000 euro në muaj, për 2 vjet të tjera?

Gazetari 77-vjeçar në pension, i vetëdijshëm për polemika, u tërhoq pjesërisht duke marrë pjesë në emisionin e Cyril Hanouna të hënën më 11 mars.

Këto janë deklaratat e tij: “Bëra një budallallëk, diçka të pamençur, duke bërë shaka dhe duke thënë se nuk më mjaftonte. Por sepse është e vërtetë që nuk mjafton kurrë! Është e vërtetë që është një pension i bukur... Por unë nuk i kam vjedhur paratë askujt. Taksat i mbajnë , më heqin 30%. Ajo për të cilën jam penduar është ndoshta se kam tronditur njerëzit. Kjo më bezdis! Dhe do të doja të kisha kohë për t'ia shpjeguar atë" tha pensionisti.

Liberale Newsroom

Poll
SHQIPENGLISH