Duket se mes qindra humbje jetësh në Azinë Jugore pas dy tërmetëve shkatërrues me magnitudë 7.7 dhe 6.4, ka lindur shpresa. Një fëmijë ka ardhur në jetë në një rrugë në Bangkok menjëherë pas evakuimit nga spitali.
Pacientja ishte e shtrirë në një barrelë në rrugë ndërsa stafi mjekësor e rrethoi atë ndihmoi në lindjen e foshnjës.
Pacientët nga Spitali Memorial King Chulalongkorn dhe Spitali BNH u mblodhën në një park, disa prej tyre ishin në barela dhe karrige me rrota.
Deri më tani numërohen 152 viktima si në Tajlandë ashtu edhe në Birmani, ku ishte epiqendra e dy lëkundjeve të fuqishme 6.4 dhe 7.7 të shkallës Rihter. 8 viktima numërohen në kantierin e Bangkokut, ku dhjetëra punëtorë rezultojnë të zhdukur.
Dëmet e shumta në ndërtesa dhe mungesat e organizimit të ndihmës së shpejtë pritet ta rëndojnë bilancin e këtij tërmeti në mijëra viktima.
Lëkundjet u ndjenë deri në Kinën jugore e Laos. Birmania është vend që goditet vazhdimisht nga tërmetet dhe periudha më aktive ka qenë ajo mes viteve 1930 – 1960.
