Ushtria izraelite lëshoi urdhra gjithëpërfshirës evakuimi për të mbuluar pjesën më të madhe të qytetit jugor të Rafah në Rripin e Gazës të hënën në mëngjes.

Ky veprim ka ndodhur pas rinisjes së luftës ajrore dhe tokësore nga Izraeli kundër grupit militant Hamas, që ka shpallur fundin e armëpushimit më herët gjatë këtij muaji.

Izraeli ka nisur një operacion të madh në Rafah, që ndodhet në kufirin me Egjiptin, vitin e kaluar, duke lënë pas gërmadha të mëdha në qytet. Forcat izraelite kanë kapur një zonë strategjike tampon përgjatë kufirit, duke mos u tërhequr siç kërkohej nga marrëveshja e armëpushimit, duke thënë se është e nevojshme për të parandaluar kontrabandën e armëve.

Kryeministri izraelit Benjamin Netanyahu zgjodhi ish-komandantin e marinës Eli Sharvit për të kryesuar agjencinë e sigurisë së brendshme, pavarësisht vendimit të Gjykatës së Lartë izraelite që ngrijti shkarkimin e shefit aktual të Shin Bet, Ronen Bar.

Gjithashtu, sulmet ajrore të dyshuara të SHBA-së goditën rreth kryeqytetit të Jemenit, Sanaa, që kontrollohet nga rebelët Huthi, duke shkaktuar të paktën një të vdekur. Pas sulmeve të ditëve të tjera, të cilat ishin veçanërisht intensive, shkalla e dëmeve dhe viktimave nuk është bërë e qartë menjëherë.