Të tjera detaje janë mësuar vras vrasjes së Kudret Saliajt. Prokuroria në dosjen që ka dërguar në Prokurorinë e Tiranës ka zbuluar detaje nga marrëdhënia e Dhurata Saliajt me fëmijët e saj.
E akuzuar për dhunë në familje, Dhurata ka qenë në masën “arrest në shtëpi”, ndërkohë që tashmë akuzohet për bashkëpunim në vrasjen e ish-bashkëshortit të saj, pasi dyshohet se ajo ka informuar babain e saj Mexhit Picari për vendndodhjen dhe lëvizjes të Kudret Saliajt para se të kryhej krimi.
Por Dhurata do të përballet sërish dhe me akuzat për dhunë në familje. Në dëshminë që i është marrë djalit të saj të mitur, ky i fundit deklaron se ajo e ka dhunuar dhe e ka kërcënuar.
“Është pyetur nga organi i policisë dhe shtetasi i mitur E. Saliaj, i cili ka deklaruar se mamaja e tij nuk sillej mirë me të, e godet dhe e kanos me fjalët do të vras, do të mbys me litar. Si shkak i sjelljes së saj deklaron se ai ka parë disa mesazhe që ajo i dërgon personave të ndryshëm me përmbajtje: “o zemra ime, të dua shumë, kur do takohemi”, dhe për këtë shkak ajo sillet ashpër me të“, është kjo një pjesë e dosjes së prokurorisë.
