Aktualitet

Video/ "Të paturp", qytetarët përzënë ministrat dhe deputetët e Erdogan-it në zonat e shkatërruara nga tërmeti

Shkruar nga Liberale
Video/ "Të paturp", qytetarët përzënë
Shoqëria turke po vlon nga zemërimi kundër qeverisë së Rexhep Tajip Erdogan, veçanërisht në Anadoll pa tërmeteve vdekjeprurëse që deri tani kanë vrarë më shumë se 20,000 njerëz. Siç dëshmohet nga videot që kanë dalë në dritë, qytetarët nuk durojnë dot as shikimin e deputetëve të qeverisë, e lëre më të ministrave, të cilët i konsiderojnë përgjegjës për fatkeqësinë më të madhe që ka njohur Turqia në historinë e saj. Në veçanti, siç tregohet në pjesët e publikuara nga mediat turke, ministri turk i Drejtësisë Bekir Bozdag u tall rëndë nga qytetarët në Dijarbakır. Bozdag së bashku me kolegët e tij ndodhej në qytet, pas tërmeteve vdekjeprurëse që goditën pothuajse të gjithë Turqinë juglindore, megjithatë “pritja” që ai pati nga qytetarët e mbledhur ishte tërësisht negative. Burra dhe gra në rrugë, në prani të policëve, bërtisnin, sipas raportimeve në Twitter, "gomaerë" dhe "të paturp". Të njëjtën pritje ka rezervuar nga qytetarët edhe deputetja e partisë në pushtet, Oya Eronat, e cila ka shoqëruar ministren e Drejtësisë. Si pasojë e protestave, si ministri ashtu edhe deputeti u shoqëruan nga policia për t'u larguar pa reaguar./Liberale.al

Liberale Newsroom

Poll
SHQIPENGLISH