Një ngjarje e rëndë ka ndodhur në Filipine, ku një gazetar radioje është qëlluar për vdekje teksa prezantonte një emision live.
Sipas medieve tē huaja, personi i armatosur hyri në studion te shtëpia e Juan Jumalon, i njohur si DJ Johnny Walker, duke u shtirur se ishte dëgjues.
Më pas ai qëlloi dy herë 57-vjeçarin gjatë transmetimit të tij në mëngjes, ndërsa njerëzit e ndiqnin programin drejtpërdrejt në Facebook.
Autori i sulmit rrëmbeu gjerdanin e arit të Jumalon përpara se të ikte me një motoçikletë me dikë që po e priste jashtë.
Gazetari vdiq rrugës për në spital, ndërsa autoritetet kanē nisur hetimet, si dhe kanë marrë kamerat e sigurisë për identifikimin dhe kapjen e autorit të krimit.
