Globi

Shqiptari tentoi të vetëvritej në Angli, flet mbesa: E arrestuan se gjeti një iPhone…

Shkruar nga Liberale
Shqiptari tentoi të vetëvritej në Angli, flet mbesa: E arrestuan

Alfred Dosku është 38-vjeçari shqiptar që ka tentuar vetëvrasjen në qendrën e mbajtjes të emigrantëve në Brook House, Angli.

38-vjeçari me origjinë nga Librazhdi ndodhet aktualisht në spital në gjendje të rëndë pasi u gjet i varur me çarçafë në dhomën e tij.

Edhe pse mediat britanike vazhdojnë ta mbajnë të fshehur këtë ngjarje, shqiptarët dhe të afërmit e 38-vjeçarit kanë treguar si ka ndodhur ngjarja.

Mbesa e Doskut në një prononcim për JOQ, ka treguar se shkak për arrestimin e 38-vjeçarit është bërë një iPhone 15. Ajo thotë se Alfred Dosku kishte gjetur këtë celular, por policia nëpërmjet Google Maps ka arritur ta lokalizojë vendndodhjen e tij dhe ta arrestojë, pasi ai nuk ka treguar se ka gjetur këtë iPhone.

Më tej ajo thotë se 38-vjeçari ishte i sëmurë me kërthizën dhe nga dhimbjet ka dashur të bëjë vetëvrasje. Ka qenë shoku i dhomës së tij ai që ka gjetur 38-vjeçarin e varur me çarçafë dhe ka njoftuar autoritetet më pas.

Mesazhi i mbesës:

Kishte gjetur një iphone 15 edhe e ka gjetur policia me google mos e kanë arrestuar sepse nuk ka treguar. Aii kishte qenë sëmure me kërthizën edhe nga dhimbjet ka dashur tbëj vetvrasje. Vetëm kur e ka gjetur shoku dhomës. Në moment të fundit.

 

Liberale Newsroom

Poll
SHQIPENGLISH