Një buzëqeshje e bukur dhe e ndritshme jo vetëm që na bën më tërheqës, por edhe rrit vetëbesimin. Përveç larjes së rregullt të dhëmbëve, ekzistojnë disa produkte natyrale që mund t’ju ndihmojnë të keni dhëmbë më të bardhë në vetëm një javë, në mënyrë të sigurt dhe pa dëm.
Vaji i kokosit: Ky vaj ndihmon në eliminimin e baktereve që shkaktojnë pllakëza dhe njolla të verdha në dhëmbë. Thjesht aplikojeni direkt mbi dhëmbë dhe lëreni të veprojë falë acidit laurik që përmban.
Luleshtrydhet: Ato janë të pasura me vitaminë C dhe acid malik, të cilat ndihmojnë në pastrimin e pllakëzave dhe njollave sipërfaqësore. Përzieni 1-3 luleshtrydhe të shtypura me një majë kripe dhe pak sodë buke (opsionale). Aplikoni këtë pastë me furçën e dhëmbëve çdo natë për një javë për rezultate të dukshme.
Lëngu i limonit me sodë buke: Kjo përzierje mund të veprojë si zbardhues natyral. Përzieni lëng limoni me sodë buke dhe përdorni furçën për të aplikuar pastën për rreth një minutë. Përdoreni çdo natë për të pasur dhëmbë më të bardhë.
Uthulla e mollës: Përzieni dy lugë uthull molle me sodë buke dhe aplikojeni me furçë në dhëmbë. Lëreni për 30-60 sekonda dhe më pas shpëlajeni mirë. Kjo metodë ndihmon në heqjen e njollave sipërfaqësore pas rreth një jave përdorimi.
Sipas studimeve, 18% e njerëzve nuk duan të tregojnë buzëqeshjen në fotografi për shkak të njollave në dhëmbë. Nëse edhe ju ndiheni kështu, provoni këto metoda natyrale për zbardhjen e dhëmbëve dhe do të shihni ndryshimin shpejt dhe pa kosto të mëdha.
