Gjatë Udiencës së Përgjithshme të së mërkurës në Vatikan, Ipeshkvi i Dioqezës së Rrëshenit, Imzot Gjergj Meta, pati një takim të veçantë me Atin e Shenjtë, Papa Leonin XIV.
Imzot Gjergji i tregoi Papës se të dielën e kaluar, së bashku me komunitetin shqiptar katolik në Itali, ishin mbledhur për t’u lutur për të në Shenjtëroren e Zojës së Këshillit të Mirë, në Genazzano, një vend i dashur për shqiptarët.
Në emër të ipeshkvijve dhe të gjithë Kishës Katolike në Shqipëri, ai e uroi Papën për zgjedhjen e tij si Pasardhës i Shën Pjetrit dhe e ftoi që të vizitojë Shqipërinë.
