Guido Dervishllari është i riu që i dha fund jetës ditën e sotme në fshatin Rrëmenj të Pogradecit.
Ai punonte si fotograf pranë bashkisë së Pogradecit dhe kishte plot talent.
20-vjeçari që prej kohësh punonte si fotograf u gjet i vetëvarur rreth orës 14:40 në kodrat pranë fshatit Rrëmenj nga banorët e zonës. Këta të fundit njoftuan familjen dhe policinë.
Miqtë e tij kanë shpërndarë dhimbjen në rrjetet sociale, duke e përshkruar si një djalë të qeshur, të dashur dhe gjithmonë plot energji.
Hetimet pritet të hedhin dritë mbi shkaqet që e çuan këtë të ri të ndjeshëm drejt një vendimi kaq të dhimbshëm e të pakuptueshëm. Paraprakisht besohet se ai i dha fund jetës në kushtet e depresionit, teksa po kalonte një moment jo të mirë. Por teksa shfaqek i qeshur çdo ditë, askush nuk e kishte menduar se mund të ndodhte tragjedia.
Bashkia e Pogradecit ndau edhe mesazhin prekës pas ngjarjes që tronditi qytetin liqenor dhe mbarë opinionin publik.
