"Mbrëmje e veçantë e organizuar nga Kuvendi në nder të delegacioneve të Asamblesë Parlamentare të Procesit të Bashkëpunimit të Evropës Juglindore, të cilët ndodhen në Tiranë për Sesionin e XII-të Plenar."
Kryeparlamentarja Elisa Spiropali ka ndarë fotot dhe një mesazh lidhur me eventin e organizuar nga Kuvendi.
"Një moment i bukur mikpritjeje dhe bashkëbisedimi për 27 deputetë nga 10 vende të rajonit – Bullgaria, Turqia, Rumania, Maqedonia e Veriut, Bosnja dhe Hercegovina, Kroacia, Serbia, Sllovenia, Greqia dhe Mali i Zi – si dhe përfaqësues nga Asambleja e Vendeve Baltike, në kuadër të forcimit të dialogut parlamentar rajonal".
