Kreu i Partisë Demokratike, Sali Berisha, ka dërguar një mesazh urgjent për të gjithë drejtuesit politik të qarqeve të PD-së. Ai u ka kërkuar që të paraqiten sot, në orën 20:30, në selinë qendrore të partisë, për një takim të jashtëzakonshëm.
Në mesazh, Berisha thekson se pjesëmarrja është e detyrueshme dhe nuk do të ketë përjashtime.
Ky takim pritet të jetë shumë i rëndësishëm për të vendosur hapat që do të ndjekë PD pas zgjedhjeve parlamentare të 11 majit dhe për protestën që do të mbahet të premten, më 15 maj, në të njëjtën ditë me samitin e BE-së në Tiranë.
