Presidenti i Republikës, Bajram Begaj, uroi sot të gjitha gratë shqiptare me rastin e 8 Marsit, duke i cilësuar ato forcën e vërtetë të jetës së shoqërisë sonë.
Në një mesazh të posaçëm në profilin e tij zyrtar në rrjetet sociale, Presidenti Begaj përcolli urimin bashkë me foto të takimeve të tij me zonja gjatë vizitave nëpër Shqipëri apo në pritjet e zhvilluara në Institucionin e Presidentit.
“Bekuar qofshin gratë shqiptare, forca e vërtetë e jetës sonë!”- shkroi Presidenti i Republikës, Bajram Begaj, në Facebook dhe në platformën X.
