Zëdhënësja e Partisë Demokratike, Floriana Garo, pas një takimi me shqiptarët e Italisë në Bari, në kuadër të fushatës elektorale për zgjedhjet parlamentare të 11 majit thotë se "ndryshimi është i domosdoshëm dhe ne do ta bëjmë realitet".
Në takimin me diasporën shqiptare në Itali, morën pjesë gjithashtu Jozefina Topalli, Fisnik Qosja, dhe Shkëlqim Hoxha.
Përmes një postimi në rrjetet e saj sociale ne Facebook, krahas fotove nga takimi me shqiptarët, Garo thotë se dashuria dhe përkushtimi i diasporës për Shqipërinë janë të jashtëzakonshme.
“Me Jozefina Çoba Topalli, Fisnik Qosja, Shkelqim Hoxha në një takim të mrekullueshëm me diasporën shqiptare në Bari!
Dashuria dhe përkushtimi i diasporës për Shqipërinë janë të jashtëzakonshme. Të gjithë duan një atdhe që ofron mundësi me një të ardhme për t’u krenuar! Ndryshimi është i domosdoshëm dhe bashkë do ta bëjmë realitet! Fitore”, shkruan Garo në Facebook.
