Një ngjarje e rëndë ka ndodhur mbrëmjen e kësaj të marte në qytetin e Durrësit.
Një vajzë e mitur ka rënë nga kati i shtatë i një pallati dhe ndodhet në gjendje të rëndë në spital.
Policia sqaron se ngjarja ka ndodhur në lagjen nr,13, dhe e mitura ka qënë së bashku me prindërit e saj në momentin që ka rënë nga lartësia.
“Rreth orës 20:07, në lagjen nr. 13, dyshohet se aksidentalisht ka rënë nga ballkoni i apartamentit në kat të shtatë, ku ishte së bashku me prindërit e saj, një 3-vjeçare.
Si pasojë e dëmtimeve të marra, e mitura po merr ndihmë mjekësore në spitalin rajonal të Durrësit dhe është në gjendje të rëndë shëndetësore”- thuhet në njoftimin e Policisë.
Ende nuk dihen të tjera detaje lidhur me rastin, sakaq grupi hetimor po punon për sqarimin dhe dokumentimin me prova ligjore të rrethanave të ngjarjes.
