Shkodra është tronditur paraditen e sotme nga një ngjarje e rëndë që ka ndodhur në lagjen "Mark Lula", ku 34 vjeçari Kolë Manaj, ka qëlluar me armë zjarri partneren e tij Anila Ndoka Prendushi, dhe më pas ka vrarë veten.
44-vjeçarja ndodhet në gjendje të rëndë në spital. Ndërkohë pak pas ngjarjes tragjike, në media janë publikuar dhe fotot e dy protagonistëve të ngjarjes, viktimës dhe gruas së plagosur, e cila siç raportohet në medie është nënë e tre fëmijëve.
Ajo ishte e divorcuar prej 6 vitesh nga bashkëshorti më të cilin kishte 3 fëmijë, ndërsa prej 5 vitesh bashkëjetonte me Manajn.
Ndërkaq Policia ka nisur hetimet për zbardhjen e kësaj ngjarjeje të rëndë.
