Vetëdorëzohet në polici kreu i grupit kriminal, Kreshnik Farruku. Ai kërkohet nga autoritetet italiane pasi dyshohet për trafik droge.
Mësohet se Farruku u vetdorëzua mbrëmjen e të hënës në Durrës, i shoqëruar nga avokati i tij mbrojtës, me qëllim ekstradimin drejt Italisë.
Në Dhjetor të 2024-ës, janë konfiskuar me vendim të Gjykatës së Posaçme 27 pasuri në pronësi të Kreshnik Farruku Budllës dhe Erneo Farrukut.
Vendimi për konfiskimin e tyre erdhi pas dyshimeve se këto pasuri janë përfituar nga aktivitete kriminale, duke përfshirë trafikimin e drogës dhe pastrimin e parave.
