Katër persona janë ndaluar nga Agjencia e Mbikëqyrjes Policore (AMP), mes tyre tre punonjës policie dhe një doganier në pikën kufitare të Hanit të Hotit. Ata dyshohen se kanë lejuar kalimin e një kamioni me mbi 440 kg kanabis drejt Malit të Zi, në shkelje të ligjit dhe detyrës së tyre.
Të arrestuarit janë:
Leke Çekrezi – punonjës policie
Fatjon Hamzi – punonjës policie
Tonin Melaj – punonjës policie
Selami Ethemi – doganier
Ngjarja ka ndodhur më 17 shtator 2023, kur një kamion me targa shqiptare kaloi kufirin në mënyrë të parregullt dhe u ndalua në pikën kufitare të Bozaj në Mal të Zi, ku u gjet sasia e madhe e drogës.
Hetimet për këtë çështje kanë zgjatur disa muaj dhe janë zhvilluar në bashkëpunim me Prokurorinë e Shkodrës dhe Drejtorinë e Hetimit Doganor.
