Një plagosje e dyfishtë me armë zjarri ka ndodhur ditën e sotme në Rrogozhinë.
Burime bëjnë me dije se ngjarja ndodhi rreth orës 10:15 në fshatin Gosë. ku një sherr mes fqinjëve është bërë shkak për plagosjen e një çifti bashkëshortësh.
Të plagosur nga kjo ngjarje kanë mbetur çifti i bashkëshortëve, Sami Disha dhe Nadire Disha. Burri mësohet se ka marrë një plumb në këmbë, ndërsa bashkëshortja e tij është plagosur në bark. Ata janë dërguar në spital dhe fatmirësisht janë jashtë rrezikut për jetën.
Sa i përket autorit të dyshuar, ai është identifikuar si Shpëtim Osma.
Shkaqet e kësaj plagosjeje të dyfishtë nuk dihen ende. Në vendin e ngjarjes ka shkuar policia dhe pritet që më shumë detaje të kemi në vijim.
