Aktualitet

Molotov në protestën para bashkisë/ Ndalohet 49-vjeçari, nën akuzë për ‘vrasje me dashje’

Shkruar nga Liberale
Molotov në protestën para bashkisë/ Ndalohet 49-vjeçari,

Pas protestës së djeshme, 49-vjeçari është ndaluar për shkak të dhunës së shfaqur para Bashkisë Tiranë.

Sokol Bushkolaj, banues në Thumanë akuzohet për veprat penale “Prishja e qetësisë publike”, “Shkelja e rregullave mbi lëndët plasëse dhe djegëse”, “Shkatërrimi i pronës me zjarr”, “Goditjet për shkak të detyrës” dhe “Vrasja me dashje” mbetur në tentativë. Ky shtetas është ndaluar dhe më datë 8 maj, në lidhje me protestën e datës 7 maj 2024.

Ndërkohë, në gjendje të lirë u procedua 22-vjeçari K. B., banues në Tiranë.

Në protestën e kaluar para Bashkisë Tiranë, protestuesit kanë hedhur molotov në drejtim të godinës së bashkisë, ndërsa njëri prej mjeteve shpërthyese plasi shumë afër gazetarëve dhe operatorëve, duke rrezikuar jetën e tyre.
Veç molotovit, protestuesit qëlluan me vezë në drejtim të dritareve të bashkisë. Protestat vijojnë prej javësh, pasi një pjesë e opozitës kërkon dorëheqjen e kryebashkiakut Erion Veliaj.

Liberale Newsroom

Poll
SHQIPENGLISH