Një ngjarje e rëndë është shënuar ditën e djeshme në qytetin e Korçës, ku një 59-vjeçar është gjetur pa shenja jete në banesën e tij. Sipas informacioneve paraprake, trupi i pajetë u zbulua nga familjarët, të cilët njoftuan menjëherë autoritetet.
Dyshohet se viktima ka ndërruar jetë për shkaqe natyrale, megjithatë grupi hetimor ndodhet në vendngjarje dhe ka nisur procedurat për zbardhjen e plotë të rrethanave. Trupi i tij është dërguar për ekzaminim mjeko-ligjor për të përcaktuar shkakun e saktë të vdekjes.
Më datë 17.06.2025, është gjetur në banesë, nga familjarët, pa shenja jete, shtetasi B. H., 59 vjeç, i cili dyshohet se ka humbur jetën për shkaqe natyrale.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë,për veprime të mëtejshme.
