Kreu i grupit parlamentar i Partisë Socialiste, Taulant Balla u shpreh sot nga takimi i PS, ku prezantohen kandidatët që garojnë për zgjedhjet e 16 nëntorit se pavarësisht letrës së Presidentit, Ilir Meta për pezullimin e procesit për anëtarët e gjykatës Kushtetuese, PS do t’i votojë emrat në Kuvend, ditën e henë.
“Është e vërtetë që në mes të tetorit të kaluar KE nuk arriti të merrte vendimin për celjen e negociatave, por nuk duhet të jemi pesimiste. Qeveria jonë e drejtuar nga kryeministri Edi Rama i ka përmbushur të gjithë detyrimet që ka për fillimin e bisedimeve. Ne përmbyllim ditën e hënë fazën e parë të plotësimit të vakancave në gjykatën Kushtetuese, Kuvendi do të zgjedhë dy anëtarët e Kushtetueses të hënën. Për të mundësuar që deri në fund të janarit Kuvendi të ketë zgjedhur edhe anëtarin e tretë të gjykatës Kushtetuese që i takon Kuvendit të Shqipërisë. Ky është hap i rëndësishëm për të mundësuar që brenda pranverës ajo të jetë funksionale”, - tha Balla. /Gazeta Liberale
