Pesë persona janë arrestuar në Kardicë për tentativë për të blerë vota. Sipas Policisë, pak minuta para orës 22:00 të së shtunës, jashtë vendbanimit të vjetër të ciganëve në Sofadis janë kapur pesë persona, dy prej tyre romë.
Pasi kanë kontrolluar një furgon, janë gjetur 197 karta identiteti, një pasaportë, dy fotokopje kartash. U gjet dhe sekuestrua kartë identiteti dhe një çantë me 114 zarfe të mbyllura të bashkangjitur me kartën e kandidatit të SYRIZA-s për prefekturën e Karditës dhe brenda çdo zarfi pesë fletë votimi të partisë politike SYRIZA, me emrin e kandidatit të kryqëzuar.
Krahas kësaj, njërit iu gjet shuma prej 4400 euro dhe një tjetri 1660 euro.
Sektori i Sigurimit të Kardicës konfiskoi të gjitha sa më sipër pasi nga hetimet u zbuluan prova të tentativës për t'iu afruar zgjedhësve në vendbanim për të votuar me pagesë kandidatin konkret.
