Një talent tjetër me prindër shqiptarë që kanë emigruar në Zvicër po spikat si një talent i ri futbolli në shtetin helvetik. Ai është Ardian Osmani i lindur në vitin 2005. Prindërit e tij janë nga fshati Raven i Gostivarit. 19 vjeçari aktualisht po luan me ekipet e moshave u 21 të skuadrës Grasshopper. Gjithçka filloi në Winterthur, aty ku Ardiani nisi ti bëj hapat e para në futboll, për tu transferuar më pas në klubin ku edhe luan aktualisht në Grasshopper.
Fiziku i tij, zgjuarsia për të bllokuar kundërshtarët, asistet që jep për shokët e skuadrës, e kanë bërë atë të jetë menjëherë në qendër të vemendjes në Zvicër.
Mediat atje kanë thurur mjaft elozhe për talentin Ardian Osmani dhe shumë menaxherë të njohur e kanë pikasur atë si një element mjaft cilësor.
Ardian Osmani është një futbollist i cili së fundmi ka marrë thirrje nga kombëtarja e Maqedonisë e moshave U – 21, pasi paraprakisht luajti tek grupmoshat e U – 19.
Dëshirat e Ardianti janë që në një të ardhme të afërt të luaj për Kombëtaren A.
Pra, pas Blerim Xhemailit, Admir Memedit e Nedim Bajramit, Zvicra po nxjerr në sipërfaqe edhe një super talent të futbollit me prejardhje shqiptare, siç është Ardian Osmani.
