Shteti spanjoll shpëtoi Barcelonën nga një katastrofë financiare dhe sportive, pasi i ka miratuar lënien në fuqi të licencave të përkohshme për regjistrimin e Dani Olmo dhe Pau Viktor.
Këshilli Suprem i Sportit, i cili është një organ në varësi të shtetit, ka shqyrtuar çështjen e dy lojtarëe të cilëve La Liga u kishte dhënë licenca të përkohshme deri në fund të vitit të kaluar duke i dhënë kohë Barcelonës të rregullonte parametrat e saj financiarë. Në janar ata mund të dilnin lojtarë të lirë, por Barcelona ankimoi në Këshillin e Lartë të Sportit duke argumentuar se po i shkaktohej një dëm i rëndë ekonomik e financiar.
Edhe pse kjo binte ndesh me rregulloret e La Liga, Këshilli vendosi t’u zgjaste marrëveshjet e përkohshme dy lojtarëve, ndërsa sot ka dhënë vendimin përfundimtar që ata mund të mbyllin sezonin me ta rregullisht. Kështu, Barcelona ka kohën e mjaftueshme të zgjidhë problemet financiare në verë e të mos ketë një dëm ekonomik e sportiv nga largimi si lojtarë të lirë ët futbollistëve.
