Nuk ka vonuar shumë. Pak orë pas shkarkimit të Jose Mourinho për rezultate të dobëta te Roma emëruan trajnerin e ri, i cili është Daniele De Rossi.
Ish-mesfushori i kësaj skuadre firmosi deri në fund të sezonit dhe në bazë të rezultateve do të jetë edhe zgjatja e kontratës.
Sipas mediave italiane, drejtuesit e klubit kanë vendosur si kusht apo objektiv përfshirjen në zonën Champions. Ata e mbështesin zgjedhjen e tyre tek roli i liderit dhe ambicia që ka patur si lojtar De Rossi për të arritur objektivat.
Daniele De Rossi ka qenë pjesë e Roma si futbollist për 18 sezone ku fitoi 1 herë Kupën dhe 2 herë Superkupën e Italisë. De Rossi ka patur një përvojë disamujore si trajner te SPAL gjatë sezonit 2022-2023 në Serie B.
40-vjeçari do të debutojë të shtunën ndaj Verona.
Daniele De Rossi e gjen skuadrën në vendin e nëntë 5 pikë larg zonës Champions.
