Maldini Kacurri është larguar nga Arsenali për t'u huazuar te Bromley.
19-vjeçari do të japë kontributin e tij në ligën e katërt angleze për pjesën e mbetur të sezonit, teksa pritet të aktivizohet rregullisht.
Pikërisht te Bromley, Kacurri nisi gjithçka në futboll. Nga mosha 10 deri në 15 vjeç, mbrojtësi i Kombëtares U-21 ishte pjesë e tyre. Më pas, Kacurri spikati te moshat e Fulham dhe Arsenal.
“Është një vend i njohur për mua dhe jam i lumtur që u riktheva”, u shpreh Kacurri.
19-vjeçari do të mbajë numrin 35 në fanellë. Klubi anglez shkruajti në një nga videot e postuara: “U largua si djalosh dhe rikthehet si burrë”.
