RUBRIKA DITORE E LIBRIT TË PËRZGJEDHUR NGA LIBERALE.AL

Titulli: "Jeta e dikurshme e delfinëve"

Autor: Kirmen Uribe

Kategoria: Roman

Shtëpia Botuese: Aleph

Faqe: 320

Viti i botimit: 2025

Çmimi: 1.200 Lekë

Përshkrimi

Sipas besimeve të baskëve të parë, ata që ranë në dashuri me 'lamias', qenie mitologjike të ngjashme me sirenat, u bënë delfinë. Ishte çmimi që duhej të paguanin për guximin e tyre. Një ndryshim rrënjësor që ndodhi brenda natës, si fillimi i një udhëtimi drejt një destinacioni të pasigurt. Kështu, edhe jeta e emigrantëve ndryshon kur kalojnë kufirin e vendit të tyre dhe, pasi e ndërmarrin, rruga bëhet gjë tjetër, shumë më e ndryshme nga ajo e imagjinuar.

Tri histori kryqëzohen në faqet e këtij romani: fati i librit të papërfunduar që feministja Edith Wynner i kushtoi Rosika Schwimmer-it, aktiviste, pacifiste e nominuar disa herë për Çmimin Nobel për Pagen, si dhe marrëdhënia midis këtyre dy grave të jashtëzakonshme gjatë gjysmës së parë të shekullit të XX-të; përvojat e një familjeje emigrante baske në Nju Jorkun e sotëm në sfondin politik dhe social të klimës të stuhishëm të epokës Trump dhe kujtimet e miqësisë mes dy vajzave në qytetin e vogël bregdetar ku tregimtari u rrit mes një sërë grash revolucionare në vitet '70 dhe '80.

Pasionant, i ndjeshëm, poetik, plot sekrete për t'u zbuluar, i shkruar me shije dhe thellësisht njerëzor, 'Jeta e mëparshme e delfinëve është romani më ambicioz i Kirmen Uribes, ku ai ndërlik mjeshtërisht historinë e familjes, ngjarje historike dhe magjinë e folklorit bask dhe tregimeve popullore.

Kirmen Uribe është shkrimtari më i vlerësuar bask dhe ndër më të rëndësishmit që shkruajnë sot në Spanjë. Ka fituar Çmimin Kombëtar të librit si dhe një sërë çmimesh të tjera të rëndësishme. ‘Jeta e dikurshme e delfinëve’ është romani më ambicioz i URIBES dhe e rendit atë mes shkrimtarëve më të talentuar europianë të brezit të vet. Është ndër shkrimtarët më të rrallë të botuar nga prestigjozet amerikane The New Yorker dhe The Paris Review.