Vendndodhja e pikturës së Nikolay Bogdanov-Belsk: Muzeu Shtetëror Rus, Shën Petersburg, Rusi.

Piktura e Nikolay Bogdanov-Belsky "Në dyert e shkollës", e krijuar në 1897, është një portret i fuqishëm i aspiratave arsimore dhe sfidave me të cilat përballeshin fëmijët e zonave rurale në Rusinë e fund-shekullit të 19-të. Piktura, e njohur edhe si "në derën e shkollës", përshkruan një djalosh që qëndron me ndrojtje në derën e hapur të një klase. I veshur me rroba të vjetëruara dhe me një çantë mbi supe dhe një shkop druri, djali përfaqëson shumë fëmijë me prejardhje modeste dhe të pamundur por që e dëshironin shumë arsimim.

Qëndrimi dhe shprehja e djalit, ndonëse fytyra e tij qëndron e kthyer nga klasa, përcjell një përzierje frike dhe shprese për tu arsimuar teksa ai vështron me ndrojtje nxënësit e zellshëm brenda klasës. Sfondi i detajuar, me një tabelë shkolle, një hartë dhe kokat e përkulura të nxënësve, tregon rëndësinë që duhet të ketë arsimi nga njëra anë dhe dëshirën e një djali të vogël për të qenë pjesë e tij.

Përdorimi i dritës dhe ngjyrës nga Bogdanov-Belsky, me një gamë të dominuar nga të verdha dhe kafe, rrit ngrohtësinë dhe realizmin e skenës. Piktura pasqyron përvojat personale edhe të vetë artistit dhe ndjeshmërinë e tij për fëmijët fshatarë, pasi vetë Bogdanov-Belsky dikur qëndronte në derën e një shkolle rurale, duke ëndërruar të arsimohej, pavarësisht pamundësisë.

Liberale.al