Arte

PIKTURA E DITËS: “Kur nuk shkojnë në stadium”, piktori shqiptar mes 100 më të mirëve në ekspozitën e UEFA-s në Gjermani

Shkruar nga Liberale

PIKTURA E DITËS: “Kur nuk shkojnë në stadium”,

Më 15 maj ishte ditëlindja e një prej piktorëve më të shquar shqiptar, Guri Madhi.
Ai lindi 103 vjet më parë dhe ndërroi jetë në vitin 1988, duke lënë pas një trashëgimi të pashlyer me veprat e tij në pikturë.

Në vigjilje të Euro 2024, në Dortmund do të hapet ekspozita ku do ekspozohet mes 100 pikturave të përzgjedhura edhe piktura e piktorit Guri Madhi.

Lajmin e konfirmoi edhe i biri i piktorit Guri Madhi, Pandi Madhi: -Po, është e vërtetë, tha ai. Eshtë nder i madh jo vetëm për familjarët, por për Shqipërinë e kudo ku ka shqiptarë, tha Pandi Madhi.

Ja dhe njoftimi zyrtar që vjen nga Dormund:

Në Muzeun e Futbollit Gjerman në Dortmund, në një sipërfaqe prej 1000 metra katrorë do të ekspozohen 175 vepra arti  me temë futbollin, të 100 autorëve, ndërmjet të cilave është përzgjedhur dhe vepra e vitit 1986 “Kur nuk shkojnë në stadium” (në anglisht “Watching Football Game”) e piktorit shqiptar Guri Madhi (1921-1988).

Ceremonia e hapjes së ekspozites “In motion – art & football” do të jetë në 27 Maj 2024  dhe do të jetë për publikun  deri më 6 janar 2025.

Në këtë ekspozitë, do të njiheni me  vepra të Salvador Dalisë, Picassos, Joan Miro, Rene Magritte, Paul Klee, Alexander Deyneka, Banksy, e të tjere dhe mes tyre artisti shqiptar Guri Madhi.

Në faqet 224 dhe 225 të katalogut të kësaj ekspozite, me  titullin “In motion” dhe  autor Manuel Neukirchner (Drejtor i Muzeut) prezantohet vepra e Guri Madhit (që është pjesë e ekspozitës), e shoqëruar me analizën e saj dhe jetëshkrimin e artistit.

Më 15 qershor 2024, pikërisht në Dortmund, Kombëtarja jonë e futbollit do të zhvillojë ndeshjen e parë kundër Italisë. Tifozët tanë do të kenë rastin për të vizituar ekspozitën, si një pikë tjetër kontakti me vendin e tyre, këtë radhë me artin shqiptar, përmes Artistit të shquar Guri Madhi.

 

Liberale Newsroom

Poll
SHQIPENGLISH