Kështu e kanë përshkruar mediat britanike performancën e Celine Dion, që duket se mbajti qindra mijëra fansa në shi, për të ndjekur ceremoninë e hapjes, pas shiut të rrëmbyeshëm.

“Celine Dion shpëtoi ceremoninë e hapjes së Lojërave Olimpike të Parisit mbrëmë, teksa bëri një rikthim triumfues në skenë për herë të parë në më shumë se katër vjet pas betejës me Sindromën e Personit të ngurtë”, shkruan Daily Mial.

Këngëtarja kanadeze përloti miliona njerëz anembanë botës teksa performoi një interpretim zemërthyes të Hymne à L'amour poshtë Kullës verbuese Eiffel.

Ajo shënoi performancën e saj të parë në më shumë se katër vjet pasi zbuloi se trupi i saj ishte mbytur nga spazma të dhimbshme pas diagnozës së saj me çrregullimin e rrallë dhe kronik neurologjik.

Pavarësisht se ajo u zhduk nga qendra e vëmendjes që nga viti 2020, diva e muzikës dëshmoi se kordat e saj vokale ishin aq të forta si kurrë më parë, duke lënë turmat pa fjalë, me fansat që shikonin në shtëpi duke duartrokitur 'fundin më të bukur' të Ceremonisë së Hapjes.

Rikthimi triumfues i megayllit ka lënë gjithashtu në heshtje frikën e fansave se sëmundja e pashërueshme autoimune e 56-vjeçares, të cilën ajo e zbuloi në dhjetor 2022, mund të sjellë fundin e karrierës së saj të gjatë.