Lira turke arriti një rekord të ri të ulët të enjten, duke u tregtuar me 18.377 kundrejt dollarit, duke vazhduar rrëshqitjen e saj në rënie prej më shumë se 27%.
Rënia vjen pasi investitorët po përgatiten për një tjetër ulje të mundshme të normës së interesit - ose thjesht një mbajtje të normës aktuale - pasi Turqia refuzon të ndjekë ortodoksinë ekonomike në luftimin e inflacionit të saj në rritje, tani në më shumë se 80%.
Po ashtu, Banka Qendrore e Turqisë e ka ulur normën e interesit për herë të dytë brenda muajit pavarësisht inflacionit të lartë. “Do të vazhdojë të përdorë të gjitha instrumentet derisa të arrihet synimi i qeverisë për inflacion 5 për qind”, njoftoi Banka në Ankara.
Vendimet e Bankës janë në linjë me teorinë e presidentit turk, Recep Tayyip Erdogan që normat e ulëta të interesit, do të ndikojnë në ulje të inflacionit.
