Politikë

Gjykata pret ta marrë në pyetje, Berisha del në konferencë me gazetarët

Shkruar nga Liberale
Gjykata pret ta marrë në pyetje, Berisha del në konferencë

Teksa Gjykata e Posaçme pret të marrë në pyetje ish-kryeministrin Sali Berisha, ky i fundit ka dalë në konferencë për shtyp. Më herët Berisha ka refuzuar të shkojë në procesin gjyqësor që është parashikuar të mbahet në orën 14:00, por që në seancë janë paraqitur vetëm avokatët e tij, Sokol Mengjezi dhe Genc Gjokutaj.

Lidhur me akuzat e SPAK ndaj Berishës për privatizimin e "Partizanit", ai tha se procesi i iniciuar ndaj tij dhe dhëndrit, Jamarbër Malltezi janë goditje për reformat që ka ndërmarrë Partia Demokratike kur ka qenë në pushtet.

“Edi Rama i ka shpallur luftë opozitës. U them demokratëve kudo që janë se me aktin e fundit ai ka shpallur një luftë totale me të cilën ne do t’i përgjigjemi me të gjithë forcën dhe mundësitë tona. Procesi është më politik i këtij shekulli. Në proces nuk është vetëm Sali Berisha dhe familjarët e tij. Në proces janë reformat epokale të Partisë Demokratike, të cilat goditen nga falanga politike krimi. Në një analizë që dëshmon më shumë se çdo gjë tjetër urrejtjen e tyre për reformat e tregut të lirë dhe demokracisë që ka ndërmarrë PD në vite.

Çdo demokrat duhet të ndjehet krenar me to. Letrat me vlerë janë emetuar në Shqipëri dhe shumicën e vendeve ish-komuniste si një mekanizëm me të cilën synohej që qytetarët të përfitonin diçka nga privatizimi i ndërmarrjeve ku kishin shkri jetën e tyre në sistemin komunist. Ata u përdorën me sukses të madh nga Theçer dhe Argjentinë dhe pastaj u përdorën kudo. Lekët e privatizimit iu dhanë të përndjekurve politik. Ato ishin ekuivalente me lekun”, tha Berisha midis të tjerash."-tha Berisha.

 

 

Liberale Newsroom

Poll
SHQIPENGLISH