Tërmeti i së shtunës ishte një tragjedi për shqiptarët, pasi la pas 49 viktima. E një rast i tillë, ka kapërcyer ndasitë politike, fetare e ideologjike. Ndërkombëtarët janë sensibilizuar me dhimbjen e shqiptarëve, mes të cilëve kanë qenë edhe grekët.
Përveç ekipeve të kërkim-shpëtimit, që mbërritën në Shqipëri që në orët e para të 26 nëntorit, edhe ekipet e futbollit, ata të basketbollit, por edhe tifozët, janë solidarizuar me shqiptarët.
Tifozët e Panathinaikos, gjatë ndeshjes me Baskonian, kanë vendosur një banderolë, në të cilën shkruhej: “Dhimbje dhe solidaritet. Kufijtë nuk i njohim. Kurajo për gjithë popullin shqiptar”./Gazeta Liberale
